18 de novembro, Día Contra o Abuso Sexual Infantil. Programa “A Árbore da Vida”

|

O abuso sexual a persoas menores de idade é unha violación dos Dereitos humanos que ten graves consecuencias para a saúde a curto e longo prazo.

Desde o Programa de Intervención con Nenos, Nenas e Adolescentes Vítimas de Abuso Sexual estamos a desenvolver un proxecto de estudo dirixido á adaptación, implementación e Avaliación dun programa de intervención de carácter grupal, A Árbore da Vida.

Este programa pon o foco nas fortalezas e recursos internos da persoa, desde unha mirada relacional, social, cultural e comunitaria.

O obxectivo é poder mellorar o noso traballo á hora de abordar as dificultades psicolóxicas, emcionais e relacionais consecuencia do abuso sexual.

Esta iniciativa apoia o compromiso recollido na axenda de Desenvolvemento Sustentable 20230 para a protección dos Dereitos dos nenos e nenas desde o obxectivo número 3 (saúde e benestar). 

O equipo terapéutico do programa presentou os resultados preliminares desta experiencia no I Congreso Internacional AETEN-ASEPCO: Construyendo narrativas, narrando construcciones, celebrado en Madrid o pasado mes de outubro.

Este programa desenvólvese a través dun concerto social coa Consellería de Política Social e Igualdade da Xunta de Galicia cofinanciado polo Fondo Social Europeo Plus no marco do Programa FSE+ Galicia 2021-2027.

Publicacións similares

Deixa unha resposta

O teu enderezo electrónico non se publicará Os campos obrigatorios están marcados con *