Inscripción en el Colexio do Benquerer

1. XERAL. O presente documento recolle as condicións nas cales Fundación Meniños ofrece participar ao centro educativo na área de Proxectos Educativos e Preventivos e en concreto a usar o proxecto “Colexio do Benquerer”.

2. DEREITOS A GARANTIR. No mesmo tamén se indica a maneira na que se protexen os dereitos de todas as persoas implicadas (centros educativos, profesorado, alumnado e terceiras persoas, así como á fundación), dando cumprimento aos requisitos legais para dita protección e conforme aos valores da fundación.

3. ACEPTACIÓN. A participación implica aceptar estas condicións de maneira íntegra e incondicionada.

4. CONDICIÓNS DE PARTICIPACIÓN. Un dos compromisos do proxecto é documentar o traballo con fotografías e remitilas á Fundación Meniños a través do correo electrónico proxectos.educativos@meninos.org. Dado que ese contido pode afectar aos dereitos á honra, intimidade, propia imaxe, privacidade e propiedade intelectual, indícanse a continuación as condicións de participación:

– Cada centro educativo enviará ao correo proxectos.educativos@meninos.org fotografías e material de traballo das actividades realizadas no marco dos proxectos educativos e preventivos e en concreto do proxecto “Colexio do Benquerer”.
– Todas as fotografías remitidas terán o carácter legal de mera fotografía e non de obras fotográficas, polo cal Fundación Meniños e cada centro educativo coñecen e recoñecen dito carácter.
– Cada centro educativo, como propietario ou titular lexítimo da fotografía, autoriza á Fundación Meniños a súa reprodución, distribución e comunicación pública na súa web, canles e redes sociais (Facebook, Twitter, Instagram, WordPress, Youtube, Linkedin ou outras) e nas memorias xerais ou específicas da fundación.

Para efectos de garantir o respecto dos dereitos das persoas captadas nas fotografías:

– Cada centro educativo velará porque o contido das fotografías non atente aos dereitos á honra, intimidade ou propia imaxe das persoas captadas nin do propio centro educativo ou terceiras persoas.
– Non se publicará ningunha fotografía na cal aparezan persoas físicas identificadas ou identificables.

Autorízase á fundación a editar ou modificar as fotografías para adaptar o seu tamaño ou formato, así como para eliminar datos persoais que fagan recoñecible a calquera persoa. Para o caso de non ser posible efectuar dita edición e modificación, Fundación Meniños resérvase o dereito de non usar a fotografía.

Ao non publicarse ningún tipo de fotografía na que saian identificadas persoas, non se efectúa nas publicacións tratamento de datos persoais por parte de Fundación Meniños, polo que non resulta de aplicación a este respecto a normativa de protección de datos de carácter persoal, nin resultan afectados os dereitos ao honor, intimidade e propia imaxe de ningunha persoa.

5. PROPIEDADE INTELECTUAL. A autorización de uso das fotografías efectúase en exclusiva, sen posibilidade de cesión a terceiras persoas -sen prexuízo do indicado previamente en relación coa súa reprodución, distribución e comunicación pública-, durante vinte cinco (25) anos e de maneira gratuíta.

Fundación Meniños será a titular en exclusiva dos dereitos de propiedade intelectual xerados por todos os materiais da área de Proxectos Educativos e Preventivos e en concreto o proxecto “Colexio do Benquerer” son de propiedade da fundación, quen é a titular dos dereitos recoñecidos pola normativa da propiedade intelectual, e resto de normativa de aplicación. Non está permitida a súa reprodución, nin total ou parcial, nin a súa modificación nin a difusión, ou transmisión por calquera medio sen a previa autorización expresa e escrita da fundación.

6. OBRIGAS. Son obrigas de cada centro educativo:

– Formalizar a inscrición por medio da ficha online antes de dar inicio á súa participación. 

– Informar a cada persoa que realice fotografías destas condicións. 

– Informar a cada persoa captada en dita fotografía destas condicións, podendo utilizarse para este fin un documento específico elaborado polo centro educativo (documento de autorización de fotografías do propio centro).
O envío de fotografías á Fundación Meniños efectuarase única e exclusivamente despois de ter dado cumprimento a dito deber de información. 
Para cuestións relacionadas con este tema, calquera persoa interesada pódese dirixir á Fundación nos seguintes datos de contacto:


d> Avenida de Cádiz 5, 2o esquerda (Edificio A Milagrosa)
 15008 A Coruña 

t> 981 269 955
e> proxectos.educativos@meninos.org 


FUNDACIÓN MENIÑOS facilitará por medio de ditas canles as condicións específicas, complementarias e/ ou operativas non contempladas expresamente neste documento.

Actualizado a 3 de setembro de 2024