Proxecto FAIN – Familia e infancia
O obxectivo principal do proxecto FAIN é ofrecer apoio a familias con nenos e nenas menores de 18 anos que reciben o Ingreso Mínimo Vital ou a Renda de Inclusión Social de Galicia (RISGA) nas principais cidades galegas e en zonas rurais.
O proxecto, financiado polos fondos Next Generation EU (a través do Ministerio de Inclusión, Seguridad Social y Migraciones e a Xunta de Galicia) levarase a cabo a través dunha oferta integral de servizos e apoios económicos personalizados, cunha duración máxima de 12 meses.
As actividades poderán ser de tres tipos:
– Paquete de apoio social: este apartado consta de cursos en saúde e coidados; axudas económicas para gastos sanitarios; cursos para mellorar a calidade de vida no fogar; axudas económicas para a vivenda; axudas económicas para reparacións no fogar; axudas económicas para o pago de subministracións (auga, electricidade, gas); cursos de informática; cursos sobre o coidado dos fillos e fillas e actividades de participación comunitaria.
– Paquete de apoio educativo: apoio individual cos estudos, axudas económicas para material escolar e axudas económicas para actividades educativas extraescolares.
– Paquete de inclusión activa: cursos en distintos temas para axudar na procura de emprego, sesións de orientación laboral e axudas económicas para a conciliación laboral.
As entidades participantes somos:
- Fundación Juan Soñador
- Cáritas Diocesanas de Mondoñedo-Ferrol
- Cáritas Diocesanas de Lugo
- Asociación Arela
- Centro de Desenvolvemento Rural O Viso
- Centro Rural Portas Abertas
- Fundación Meniños
