Viaxe ao reino das emocións

O proxecto “Viaxe ao reino das emocións” desenvolveuse nos colexios galegos entre os cursos 16/17 e 20/21, e os seus materiais continúan a aplicarse en centros educativos que participaron nesta andaina conxunta de cinco anos nos que o alumnado de Educación infantil aprendeu a descubrir e desenvolver as principais competencias emocionais da man dos personaxes dun conto. Draco foi o noso protagonista para introducir as competencias de conciencia emocional, regulación, autoestima, empatía e resolución de conflitos de xeito sinxelo e ameno, a través de xogos de cartas, vídeos, cancións, bailes e actividades manuais.

Recollemos aquí dous xogos asociados ao proxecto, para que os compartades na aula ou en familia.