Xeración e transferencia de coñecemento: investigación, publicacións e cooperación técnica

Investigación e publicacións técnicas

Colaboración coas Universidades

Comprometidos coas necesidades da infancia e a adolescencia, e as das súas familias, un dos nosos cometidos é xerar e difundir coñecemento que nos permita acadar un maior impacto na vida das persoas. Para isto, traballamos aliados con diferentes universidades co obxectivo de manter liñas de investigación e innovación en cada un dos nosos proxectos, o que nos permite avaliar os resultados dos nosos programas, optimizar a calidade e eficiencia dos mesmos e desenvolver novas formas de intervención que poñemos a disposición de toda a sociedade:

Nesta liña, actualmente colaboramos con diversas Universidades desenvolvendo os seguintes proxectos:

• Coa Universidade da Coruña, xunto co Centro de Terapia Familiar e Intervenção Sistémica de Azores (Portugal) na elaboración dun Manual de Boas Prácticas que guía a intervención técnica nos Puntos de Encontro Familiar.
• Coa Universidade da Coruña (UDC) no Convenio subscrito para o desenvolvemento de funcións docentes, asistenciais e investigadoras na orde sanitaria e social.
• Coa Universidade de Santiago de Compostela (USC) para o desenvolvemento do Programa de Atención Perinatal para nais en dificultade social.
• Coa Universidad Internacional de La Rioja (UNIR) no marco da Red Proyectum.

Convenios de Supervisión Técnica

Con la Unidad de Investigación en Intervención y Cuidado Familiar (UIICF) de la Universidade da Coruña (UDC) mantenemos una colaboración para la supervisión técnica en nuestros programas.

Coa Unidade de Investigación en Intervención e Coidado Familiar (UIICF) da Universidade da Coruña (UDC) mantemos unha colaboración para a supervisión técnica nos nosos programas.

• Convenio de colaboración e supervisión técnica para o proxecto de Reunificación Familiar.
• Convenio de cooperación e supervisión técnica para os programas de Acollementos e Adopcións.
• Convenio de cooperación e supervisión técnica para o proxecto Punto de Encontro Familiar.
• Convenio de cooperación e supervisión técnica do proxecto de Atención Familiar.

Material técnico da Fundación Meniños

Froito da nosa experiencia directa na intervención con familias e nenos e nenas en risco social, e en conexión co ámbito universitario, elaboramos material técnico para xerar e difundir coñecemento, que poñemos a disposición de toda a sociedade.

Cooperación técnica

Mediante a cooperación técnica procuramos a transferencia de coñecementos e destrezas, o intercambio de experiencias e a formulación de proxectos con outras entidades e países.

Meniños iniciou esta labor de cooperación técnica fai algúns anos, a partir da demanda de organizacións non gubernamentais e administracións de Portugal da nosa colaboración e asesoramento técnico para poñer en marcha programas e actuacións semellantes aos que levamos a cabo no campo da intervención con familias e nenos e nenas en situación de desvantaxe social, especialmente no Programa de Integración Familiar.

Estas demandas concretáronse na firma de convenios de colaboración co Centro de Terapia Familiar e Intervenção Sistémica, vinculado ao Instituto de Acção Social da Região Autónoma de Açores (Portugal).

O Instituto de Acção Social da Região Autónoma de Açores é unha entidade pública que se dedica ao desenvolvemento de accións preventivas, terapéuticas e promocionais. Traballa na consecución de obxectivos de acción social, a promoción da realización de estudos e a implementación e avaliación de medidas de intervención e política social.

“A Fundación Meniños está aberta a emprender novas liñas de cooperación con outras entidades e países que traballen en proxectos de intervención, formación e investigación na área da protección da infancia e a adolescencia“.

Formación a medida

Deseñamos e impartimos plans de formación a medida das necesidades das administracións, organizacións, entidades e equipos profesionais que traballan en intervención con familias, infancia e adolescencia en situación de dificultade social e en Educación á Infancia e a Adolescencia, sobre as seguintes temáticas: 

• Intervención familiar dende o enfoque de recoñecemento do dano: como mellorar a capacidade de avaliación e reparación do dano psicolóxico provocado pola desprotección en nenos, nenas e adolescentes.
• Intervención psicolóxica de apoio á xeración de vínculo na etapa prenatal e perinatal.
• Procesos de entrevista, valoración e preparación de familias acolledoras e adoptivas. 
• Procesos de preparación e acompañamento das transicións con nenos e nenas en procesos de acollemento e adopción.
• Intervención social con nenos, nenas e adolescentes en contextos de violencia de xénero.
• Intervención psicosocial nos Puntos de Encontro Familiar.

Prácticas profesionais