Traballo en rede
En Meniños apostamos firmemente pola cooperación e a colaboración, buscando a maior eficiencia e capacidade de solución para superar as limitacións dunha acción social fragmentada e dispersa. Para o exercicio da nosa misión establecemos unha rigorosa e comprometida política de alianzas con entidades afíns.
Traballamos para garantir a máxima cooperación entre organizacións e axentes públicos no desenvolvemento de políticas dirixidas á defensa dos dereitos e á protección da infancia e da adolescencia.
A colaboración é indispensable para xerar un verdadeiro impacto social transformador para a vida das persoas, e é crucial para promover unha cultura do bo trato á infancia e á adolescencia, e para loitar contra a pobreza e a desigualdade social.
Porque cremos no valor do traballo compartido, integramos as seguintes redes e foros:
- POI Plataforma de Organizacións de Infancia de España
- AEF Asociación Española de Fundacións
- Rede de Entidades Caixa Proinfancia
- POIG Plataforma de Organizacións de Infancia de Galicia
- EAPN-Galicia Rede Galega contra a Pobreza e a Exclusión Social
- Consello Galego de Benestar, axencia pública autonómica impulsada dende a Xunta de Galicia
- Pacto de Estado Menores no ámbito Dixital
