Modelo de traballo e experiencia

Meniños traballa en intervención familiar desde 1996, mostrando uns resultados de recuperación das familias arredor do 70%. 

Un dos factores que motivou a aparición dos programas especializados de intervención familiar foi a evidencia dos nefastos resultados que provoca a separación prolongada dos nenos e nenas do seu entorno familiar, o que demandou a necesidade imperiosa de crear alternativas válidas á institucionalización, que ata aproximadamente os anos 90, era o único recurso para á atención a situacións de desprotección.


O noso modelo de intervención familiar ten unha concepción eco-sistémica: busca solucións para os problemas no mesmo entorno onde estos se producen, co máximo respecto ás persoas.

Todas as persoas teñen cualidades e competencias que deben de ser apreciadas e poden ser estimuladas e acrecentadas para posibilitar un proceso transformador nas súas vidas. O noso obxectivo é actuar sobre o seu potencial de cambio e desenvolvemento dotándoas de habilidades e capacidades para afrontar non só os retos e dificultades actuais, senon tamén reorganizando o sistema familiar para unha maior fortaleza e eficacia ante dificultades e retos futuros.