Intervención con mulleres vítimas de violencia sexual
A violencia sexual deixa unha marca moi fonda na vida das vítimas. Non só afecta ao corpo, senón tamén aos sentimentos, aos pensamentos e á maneira de ver o mundo. A persoa pode sentirse triste, con medo, confundida ou incluso culpable. Estes efectos poden durar moito tempo e dificultar o día a día, as relacións coas demais persoas e a confianza en si mesma. Por iso é tan importante acompañar, apoiar e dar espazo para que a persoa poida falar, recuperar a seguridade e autoestima.
O noso obxectivo terapéutico é axudar ás mulleres a adquirir as habilidades que lles permitan facer fronte ás consecuencias da violencia, traballando na súa recuperación emocional e na superación do trauma, e promovendo o seu benestar tanto psicolóxico como físico.
Complementamos o proceso terapéutico co programa de fortalecemento físico “Recorpórate” onde as mulleres a través da actividade deportiva dirixida integran “unha mente sa nun corpo san”.
Ofrecemos atención terapéutica a máis de 100 mulleres cada ano.
