30 segundos para poñernos á altura

Os dereitos da infancia son unha responsabilidade colectiva que ninguén debe eludir.
Con ese compromiso lanzamos a serie de vídeos “30 segundos”, un conxunto de pezas breves pensadas para que calquera persoa (familiar, docente, veciña ou amiga) poida recoñecer sinais de alerta.

Esta acción forma parte da campaña “30 anos poñéndonos á altura”, unha iniciativa coa que celebramos o noso 30 aniversario traballando pola infancia e a adolescencia co obxectivo de sensibilizar á sociedade para estar á altura das necesidades das nenas, nenos e adolescentes da nosa contorna.

A serie “30 segundos” está composta por 10 pezas audiovisuais que abordan distintas situacións de risco que poden afectar ás nenas, nenos e adolescentes, como:
• saúde mental
• acoso
• soidade non desexada
• abuso sexual
• neglixencia

Son vídeos breves e directos pensados para que calquera persoa poida aprender a recoñecer sinais de alerta.

No primeiro da serie poñemos o foco na atención aos problemas de saúde mental, unha realidade que segue sendo invisible para gran parte da sociedade e que afecta cada vez a máis nenas, nenos e adolescentes.

Nel transmitimos a importancia de aprender a detectar os indicios de que algo non vai ben e pautas sobre como actuar.

Podes velo aquí.