Ser familia adoptiva – Galicia
“Como pai e nai é importante estar forte para dar afecto, rutina, bo trato e coherencia.
O máis entrañable é cando che devolve un pouquiño diso que estás a dar ti.”
A finalidade do programa é promover a adopción de nenos, nenas e adolescentes que polas súas características teñen unha maior dificultade para poder atopar unha familia.
Características dos nenos e as nenas
- Entre 8 e 17 anos
- Algún tipo de discapacidade (física, psíquica, sensorial) ou enfermidade
- Grupos de irmáns ou irmás, independentemente da súa idade
Que buscamos?
Procuramos persoas dispostas a comprometerse coa crianza dun neno, nena ou adolescente coas súas diferentes características.
Que ofrecemos ás familias?
- Formamos ás familias para que adquiran as ferramentas necesarias para afrontar a crianza no día a día. Procuramos o mellor encaixe entre as necesidades dos nenos, nenas e adolescentes, e as características e dispoñibilidade das familias.
- Acompañamos ás familias durante todo o proceso adoptivo incluíndo a fase de post adopción, cun apoio personalizado en función das necesidades.